望夫石

今年新年Baby跟家人親戚去泰國旅行，今天已經過咗兩日，仲有三日我的Baby先返香港。雖然見不面，但可能他每日都有SMS返嚟，所以感覺又不算太差。

佢陪唔到我，本來應該幾悶；但係事實又唔係，可能近排陪老友L，所以生活非常充實。只可惜有點有心冇力感！

成日聽佢講感情問題，跟住就會諗起當初同Baby拍拖既嘢，......可能今次呢個男朋友係我最主動爭取返嚟既關係，所以有時都會諗係咪自己一廂情願地任性？

諗返起當初佢講過既說話，好多同而家都唔同。見到他時怕時間太快，不見他時怕時間太慢。跟以前最大分別，便是發現自己的雙重但極端的性格，就好像理智與任性的共同體，兩種極端的意念同時鬥爭，諗起都攰！

難得有幾日假期，應該好好睡覺，但卻總是事與願違！