不想回家

新印印表現越來越差，我懷疑之前阿娣唔知係咪同新印印講過乜嘢，攪到佢以為佢唔聽蕭師奶講我會保佢。事實係就算得罪蕭師奶係阿娣，我梗係幫自己阿媽，點都唔會保個工人，唔好咁傻喇！有種感覺佢應該做唔耐，分分鐘唔過三個月！

就工人問題上，我諗咗成朝，可能我太involve喺裏面，令到個工人唔知聽邊個好，佢連邊個係老闆，邊個出糧俾佢都唔知，夠膽死答我係阿娣出糧！

返到屋企滿以為蕭師奶繼續發難，豈料雙方言談甚歡，驚喜之餘，仍有點擔心，究竟呢個工人是太醒，抑或太蠢？