觸電

不可能的心動，短暫卻發生過，欠缺正視的勇氣，怕......
目光停留在不應該的地方，怕......
觸動仍埋藏於心底裏的傷痕，怕......
開始，更怕結束！

偽裝不經意的欣賞，
迴避閃爍的眼神，
逃竄等候的衝動，
躲匿迷惘的房間。

久違了La Plasita

很久沒有La Plasita的感覺，殘餘一點點遺憾與失落，點滴在心頭！

灣仔新開了一間Agavi，聽La Plasita的老朋友說，原來開業年多了。久違兩張菲律賓的舊臉孔重現眼前，同一款高腳木櫈，同樣是墨西哥餐廳，似曾相識的酒吧，裝修擺設總是帶著一些La Plasita......

與蛋散同學會三位剩餘隊員，我點了兩杯最愛Margarita，竟然喝到昔日由他調校的味道；然而，酒吧沒有他的微笑，還是希望他現在安好幸福！

蛋散戰隊員發神經狂問我的理想對象，答案是沒有想這個問題！
沒有說謊！隊員不服，繼續找蛛絲馬跡，
惟有答：不想是香港人。

他們仍然不服，再要答：
不喜歡當你有難時說走就走的男人，不想與沒有擔當的男人一起。

仲繼續問：「究竟你鍾意邊ｄ外型既男仔？」
傻瓜！一把年紀豈會愛上「男仔」！
唔知係佢哋驚我無人要，趕住交配；抑或純粹好奇，
問唔到佢哋滿意既答案，竟然隨手喺廁所出入既男性中，
抽一件問我，仲話果個幾好喎！
各位，那位屬鄰家「小」男孩，頂多廿歲出頭，......
就算我年輕十年亦未敢高攀啊！


結果，我喺第４個round跟他們說了Mr. Big的外型，先至放我一馬。

七夕許願

早幾日馬丁話我知七夕，所以叫我許願。我推說沒有願望，再強調「I'm not ready!!」跟住佢叫我許願－－唔好有人攪我！（咁又唔使咁絕！）

朋友H笑說，以她認識的我，性格悲觀，想不到我竟然沒有自殺，簡直係神蹟！

最近翻看一篇散文，內容描述一位小女孩唔見咗隻公仔，攪到兩個禮拜連飯都唔肯食；牧師問小妹妹：如果唔見咗十萬蚊，仲會唔會跌埋身上果廿萬蚊？小妹妹想一想，當然不會喇，邊有人咁蠢！牧師就對小妹妹話：咁點解你唔見咗隻公仔，要攪到兩個禮拜唔食飯呢？小妹妹終於有所頓悟！