彩虹邨的意外收穫

最怕漫無目的在街上閒逛這種嘥時間的「運動」，行得耐會令人頭昏腦脹，十分悶蛋！食完飯又揾唔到戲想睇，喺香港唔通真係冇咩消閑好去處？

以前自己會獨自走入離島、走去淺水灣、赤柱......沙灘，躺在沙灘上睡覺比起行街更加奢侈，能夠遠離俗世煩囂，更加是人生樂事！

退一步不如到灣仔happy hour，China Town、Agavi當然是不錯的選擇，叫返杯Margarita on the rock，聽吓歌感受異國風情，亦可減減壓！

要不然到shooter 52或pepperonis食一客rich cheese nachos，如果可以叫埋roast spare ribs，咁就perfect嘞！

原來彩虹邨裏面既鑽石茶餐廳，竟然係一個意外之中既好地方。因為那裏的紅荳冰和牛腩飯簡直是極品，還有傳統港式茶餐廳感冒聖藥－－煲檸樂加薑，惟一的缺點就是這舊式餐廳裏面，煙味太濃！

加插感冒中獻唱的「每隔兩秒」壓軸，簡單都可以係另一種減壓生活享受！

每隔兩秒我都想起你
但我不懂使你心歡喜
每隔兩秒我都想起你
完全忘掉了自己

愛 會變成真
兩分鐘的熱吻
成為現實愛人
誰願夢裡白等

愛那有原因
兩心只須合襯
然後慢慢兩人
情難自禁 再熱吻

蕭師奶的夢

今早蕭師奶跟我說，昨晚首次發夢見到敏敏，還有見到Daddy......心裏涼了一截！

她在夢裏見到敏敏「好百厭」爬上地鐵，唔知攞啲咩。
（地鐵邊度呀？）好似喺九龍城！
（九龍城冇地鐵喎！）唔知咯！淨係見到佢爬咗上去，猛鬧佢「死仔！」跟住就見到Daddy喺屋企，掉咗兩張棉胎。
最後敏敏攞住兩大袋嘢俾我。（裏面咩嚟架？）唔知呀！佢俾咗我之後，我就扎醒咗，跟住又喊！

雖然我知道有啲嘢我控制唔到，但係睇住一個一個親人離開我，好快將會剩返我自己的感覺，真係好難受！茫然地再掛念敏敏、印印和去世多年的父親大人！