越諗越驚

昨晚他先走，去到我屋企附近等車才打電話俾我，傾了最長的２４分鐘說最近的人事變動...漫長的２４分鐘，他似乎笑得很開心，攪乜？傾咁耐寫唔切稿喇！他跟我說：最近見親台灣人，目光不太友善，因為佢估台灣人唔鍾意我淨係同佢玩，唔同台灣人玩！

雖然我有少許存疑，不過係都唔出奇，我真係唔敢高攀同台灣人玩，事關我真係分唔到佢幾時講真，幾時講笑！前日仲俾台灣人話我似「娥姐」，完全唔喇更，以後唔同佢食飯。

「我唔知醒，......唔駛等我食早餐。」今日第一個SMS。

唔知係咪因為每朝早習慣咗大家見吓傾吓，今朝得返我同Z食早餐。

其間三次撞見台灣人，我成功避到第一次，第二次「早晨呀！M&M!」，第三次佢見我喺音樂房，問我做咩？我咪答冇嘢！

十一點他返嚟走入CPL房，向我交待昨晚他不辭而別，原來是與同事們放工搭車。無端端又問我以前的事，我又坦白地答了。
我哋傾咗差唔多成個鐘，突然我驚覺自己對他說太多，便打發他走。為什麼感覺總是怪怪！

下午我煩緊份稿埋尾，我聞到他的氣味，知道他靜俏俏地坐在我身旁，回頭又是一張笑臉，問他做咩，他笑得古古惑惑咁答：無呀！又行開咗！

希望我擔心的事別發生！下星期還有五份稿要趕，Wish me luck!

後記：我跟他粗略說了自己那一段故事，唔知點解佢好似估到我那兩位外國的ex做過乜，講過乜咁！當然少不了他的round up，我都知我當時唔應該，惟有安慰自己遲知好過唔知，而家仲受緊，可以點？避得就避！

Past is past

拒絕將未來生命的主權交給過去的傷害！如果你害怕再次受傷，那麼你就永遠不能突破過去而獲得自由。
The past is past. I am alive today and living in the light. I am filled with possibilities for today!

三日來腦便秘的滋味確實不好受，很久沒有試過無頭緒寫稿。三個月以來不停地寫，原來腦子會作出嚴厲反抗，久別的頭痛重臨，完全集中唔到精神。寫了無數的Spa Feature之後，還要發掘新角度，詮釋深到嘔的terms，到頭被Sampson改為配音，早知唔使攪咁耐！

昨夜印印發惡夢呱呱嘈，跟住輪到我。
竟然夢見到他的「女兒」和她，爬水渠避債逃亡，經過我的窗口，
他望了我一眼，便拖著她和大約三歲大的女兒跑了。
之後打聽，他不願再見我......

但願這一切不是事實，除了再見面碰頭之外！