頭痛

很久沒有頭痛，最近可能因為唔夠瞓，上星期尾已開始頭痛...作戰能力創新低，一定要加加油！

Chow San昨天告訴我她將會辭職，蛋散戰隊果然蛋散，剩餘兩名殘餘隊員。鴻爺星期四榮休，印印亦將會禮拜四返印尼，跟他們的相處，好像發咗場夢咁！緣來緣去不過如此，難免有點不是味兒。我team人少咗兩個writers，唔知幾時補返，唔知會唔會好忙，諗起就覺得好...眼瞓。

數天前愛人問過我是否有「目標」，我答沒有，這是事實，沒有說謊。跟Honey說了，本想她罵我一頓，豈料她恭喜我。她解釋，我終於對「鬼佬」以外的異性動心。更估不到她還鼓勵我，兩個人在一起應該開心，但我覺得不是他。的確很多年沒有對Mr. Big以外的男人動心，除了...算吧！

還未調整好自己的心態，每逢臭到他的氣味，心裏便打起三號風球，久違的氣味嗎？很難集中精神工作，加上台灣人今天反常地唔睬我，會唔會因為我昨天話過佢，無人咁樣用「喂！」叫人呢？應該唔係吖！佢係老細，佢唔叫我，我都要笑住打招呼，禮貌嘛！

今天有點乾燥，塗了些lotion。他突然問我晚上係咪約咗人，因為今天我的味道有點不同，起初我仲以為係白花油味，佢話唔係，我諗咗好耐先至醒起係lotion，隨意遞隻手俾佢聞，「係呢隻味喇！」才發覺自己有點不知所措！（心想：手－－點可以隨便俾人哋聞架！）

我知他想一起收工，但我還是選擇遲一小時搭車。越來越唔敢正面望佢，點算？死撐囉！

平凡的祝福

隨想
"人學得越多,知得越多,人生的起伏就越大,感覺就越多,喜樂越多,悲傷也越多。"

在別人眼中「身材不高也不矮，長相不醜也不帥，個性不好也不壞。雖然已習慣於平凡,但有時卻不甘於平凡。」但我認為平凡中庸也是一種幸福！

浪漫和情趣本來就應該發自內心，時刻的擁抱也許勝過片刻激情！可能他說得對，他享受打機，她享受陪伴在側，已經很美滿！

廿四歲慨歎「睇唔清幾時...破紀錄!」重要是最終找到答案。祝福！