反應

今日睇到一段新聞，大陸有個廿五歲的補習老師，與比自己年輕九年的學生相戀，惹來爭議。

最令我反思的是，女教師一席話：可能對方將來會喜歡別的女孩子，但她認為相戀從來不保證有好結果，現在她惟一可以做，便是等男朋友長大！

幸好Baby已經長大，而且處理事情的能力比我還要成熟，唔係好似那個十幾歲在學的男孩子。只怕大家是因為貪心，才走在一起......

－－－－－－－－－－－－－－－－－－－－－

明明尋日好返啲，但今日又差咗！

可能係再一次睇到一啲自己唔想睇到，但偏偏又俾我睇到既嘢，感覺有啲怪，有點錯愕！

雖然我相信事實可能係無關痛癢，但就無咩意慾問對方，點解在那時會有此反應？

女人天性喜歡說話，男人天生喜歡沉思。

少說話，少講廢話，少問題，少衝突，少磨擦......

上了美國人一課

今日開廠罕有地錯漏百出，先是尋日讀錯VO，要今日重新錄過（聽講今日呢份VO又出事，聽日又再重錄，唉！個導演又有機會講嘢！）；Teaser稿寫錯嘢，攪到廠dubbing果陣即時要執漏；跟住份廠稿明明寫咗１分鐘，但係我淨係寫咗30秒稿俾MC，攪到即時要調配過啲時間。

開廠期間，我同美國人傾咗一啲開廠既工作流程問題，加埋私人問題。仲叫佢不如調我唔使開廠一個禮拜，俾我整個system，就算冇一個禮拜，三日都夠我完成呢件事，兼且可以俾我休息吓！佢都係一笑置之！

Lunch既時候，有兩位同事call我去食，但係我都係想攪咗個rundown先，遲咗成個鐘先至西餐廳，費事又俾果個人話。一去到見到美國人，我就急不及待想同佢傾，點知佢就慢條斯理咁，叫我去買嘢食先，我買完嘢食走返去佢身邊，佢又叫我攞嘢飲先，攪到我即時有少少掹，在場同事就鬼咁開心喺度笑！之後，我就安安靜靜咁食咗唔夠半個鐘既午餐！美國人見我食完，先至哎走，果陣我先至知道，班同事好似喺度等我食完個lunch咁，有少少感動！

返到上去，我又再同美國人講rundown，但係佢話佢攪埋啲嘢先，卒之成個幾鐘頭之後，先出到！唔知係我敏感，我覺得美國人好似想DUP停我咁！（不過可能我估錯，事關佢平時都係差唔多時間先至出rundown。）

其實上星期已經同台灣人入房private talk過一次有關開廠既問題，今個禮拜一我亦都有同美國人傾。台灣人同我傾既時候，佢話想將件事攞出嚟開大會講；美國人就講到好火滾，淨係叫我唔好做埋佢哋果份，咪開咗個頭令佢哋吓吓應份咁質俾我哋做，諸如此類！

頭先我又再忍唔住問美國人，我話我覺得跟廠好唔得心應手，唔係好清楚writer的權責問題，當時我唔清唔楚咁講啲唔講啲有關lunch時，那個人叫我打俾導演追片既嘢，佢就有少少嚴厲咁話，之前已經講過俾我聽，淨係做返份內事，總之唔係我哋做既嘢，就千祈唔好做，跟住佩華入嚟揾佢，我就走開咗！

晏畫果個人講既嘢，我分別同阿O和Baby講過，阿O今日就比較冷淡，無乜回應，淨係話唔知係咪人夾人緣喎！其實我哋都覺得，果個人平時對其他同事都冇乜嘢，仲好肯教新人添！唔知點解會對我咁，攪到我有啲迷惘！

可能係我原本想憑一人之力，扭轉件事，令到工作安排順暢一啲，大家都唔好咁燥，避免無謂爭執，但令到自己多咗好多work load，已經係超過我所能負荷！每日都好似踩鋼線咁，好緊張！但精神同體支已經透支晒！

呢排既速度又再減慢，而且仲好頭暈暈，腳浮浮咁！尋晚好彩得Baby出手幫我揾料，如果唔係，我諗我又要通頂，真係難為咗Baby!有違我一貫作風，最怕自己麻煩到別人，但我真係weak咗好多！

好討厭學是非，將啲是非搬嚟搬去，但竟然呢幾日正正就做緊呢樣嘢咁，難道想博同情麼？好討厭自己每件事做得唔好！點解唔可以好似美國人或者阿O咁，輕輕鬆鬆面對呢件事呢？Lift suck!

頭先返屋企撞到慧敏，先至知原來我最錫既姪女，呢個禮拜返美國，佢返咗嚟三個禮拜我都冇時間揾佢，好內咎唔能夠喺呢段時間同佢傾偈！蕭師奶又發咗一個小脾氣，當然唔少得基本動作......雖然我有少少嬲，但係又內咎呢排為咗份工，冇時間倍佢！

祝願世界和平！國泰民安！