中間人

呢兩日因為一位MC令到我頗受困擾，我明白writer、production和那位女MC三方面的利益，亦明白他們的難處，全因為公司政策導致今次又衝突，問題係我唔想主動介入成件事，但他們偏偏又要我去介入，令到我有些少困擾。

因為呢件事，台灣人第一次好認真，甚至激動到shaking，面部不由自主地抽搐，向我briefing我哋做writer嘅職權範圍，睇到佢咁嘅樣好似當年......，令我心寒，亦有少許擔心佢真係講得出做得到，會cut咗果位MC。

其實我唔係對呢位MC冇特別交情，真係冇需要因為佢得罪老闆，成件事又唔係台灣人揹晒責任，......好無奈大家都因為利益而衝突，而我亦好無奈又變成磨心！

我無意牽涉他們的紛爭，也尊重老闆的決定，亦知道我無能為力。只係想大家喺同一個工作環境，揾嘅都係開心錢。呢個世界邊度會有公平，做得MC應該明白他們最concern係出鏡率而非show錢，如果佢再有任何不滿，分分鐘被人攆走都唔知咩事！

另外，Baby和小玲都分別提醒我，別老是做好人，結果只會吃力不討好，甚至會激嬲老細，呢樣我清楚明白，只係唔想大家有衝突，如果能力範圍可以做盡量做啫！不過呢件事就無能為力，甚至...聽日開廠唔知會發生乜事，希望神保守喇！