令女人安心的男人

當我知道嚟緊既星期三，musical有兩位MC離隊，所以Baby將會出席farewell party，即係話又有可能重演「半夜四點寶馬山孤男寡女」事件，喺呢啲位我又再陷入不知所措的境地。

我估不少人遇到類似情況時，應該得兩種反應：第一，先發制人，有如洪水猛獸先來個嚴厲警告，若對方再犯便可以更理直氣壯...發脾氣；第二，忍氣吞聲，甚至進入忘我境界，當乜嘢都唔知唔理，睇唔到、聽唔見。

記得早排台灣人生日，成班同事拉大隊去天后食飯慶祝，美國人十點幾已經早走返家慰妻，在應酬與妻子之間，作出適當的平衡。

跟住又諗起一鳴，當年(應該約十年前)他曾經對我說，做男人應該不讓女人擔心！他說過，當年May很擔心一鳴和我，所以在May面前，一鳴不會單獨約會我，通常是成班同學一起食飯。

我相信美國夫人和May並非醋罈子，因為她們的另一半有足夠令她們安心的理由。

健力士咖喱雞紀錄

今天發了一個夢，夢見M小姐拖著Baby走進公司車的下層，M小姐坐在巴士下層車尾的右邊角落，Baby卻站在車尾......扎醒之後，他便call我。

他說今日下午須留在公司幫同事工作，起初我也不以為已；但扎醒之後就諗，唔知佢會唔會趁我唔會返公司，便跟M小姐lunch呢？甚至他是否幫她在工作呢？

見面後，他沒有主動提起，於是我便問他跟誰午膳，他的答案便是三位主持跟他們二人；他沒有主動說他有冇坐在她的身旁，於是我便問，他答沒有，不過又湧起了心痛的感覺。可能我的表情出賣自己，他問我有冇咩事，那一刻再哭不出來，只是沉默了一會，我再三強調只是一會。

那時有說不出的委屈，便驅使我忽發奇想，我想他知道「痛」的感覺，於是便一口咬他的手肘。雖然不能成功地留著牙印，但肯定他感到我的「痛」！之後更在他的心口和背脊等位置，免費送多幾隻咖喱雞，心情才能平伏下來。

看著他的背脊，心裏便想以「咖喱雞」砌出一個「哈哈笑」（smiling face)出來，究竟可唔可行呢？

有朋友說，製作一口「咖喱雞」（love bite)，猶如太空人上月球插國旗，宣示主權的象徵。所以我下定決心，要將「咖喱雞」呢種文化發揚光大，打造好像「梅花鹿」圖案的咖喱雞「王國」，甚至要挑戰健力士紀錄大全。

15/16唔玩唔舒服

昨晚又與老友熬夜解決感情問題，雖然過程中令她情緒失控，不過暫時總算平伏了她的心情......

真正懂得如何愛惜對方，算難不難，算易亦不易，但切忌strong ego！
未找出真相之前，已經誤以為自己付出很多，並將之放大然後要對方負責，不過是其中一種常見於感情生活的精神病－－「妄想被迫害症候群」，能否治癒決定權最終在乎自己選擇的態度。

扭盡六壬之餘，還不忘跟她輸賭，如果......就罰「唔著底褲返工」！
我幾時都話蜜運中的人零舍「奪」，佢竟然仲問我，係咪輸咗要拎條底褲畀我？哈！傻婆！

輸賭呢啲嘢，憑良心就得嘞！

之後，我與在場聽住我講電話的Cindy談及此事，我們笑得人仰馬翻之際，美國人老細突然衝咗入嚟，Cindy笑著向美國說：佢（我的英文名）話你（美國人）唔著底褲返工喎！（我先是一呆，然後便繼續狂笑！）美國人以慣性的stone face口吻：你話我唔著底褲返工，你點知呀！你睇過呀！公司冇人知道我著底褲返工喎！你哋唔好話畀其他人知呀！

說罷離開了！（原來這間公司唔單止我變態，重有咁多人係傻既！！）

老友昨晚問我，還有冇受M小姐事件影響，答案是有的。
最明顯便是與Baby閒談時，說：
唔准捽人哋背脊呀！......他答：「我都話冇捽人背脊咯！」
唔好諗住捽人背脊呀！......他答：「我都話冇捽人背脊咯！」
總之，喜歡攻其無避，以「...捽背脊」開始，他的下對便是：
「我都話冇捽人背脊咯！」

我覺得我哋好似玩緊「15/16唔玩唔舒服」？