純粹好奇?

台灣人繼續唔睬我！

由於今日美國人無返公司，所以Carman叫我將ｄ稿俾台灣人睇。今朝我落廠交咗兩份，「呢份係下個禮拜二...」未講完，佢望都唔望就話「放低，我一陣睇！」之後由海倫將兩份稿交返俾我。之後下晝再擺份稿喺佢枱面，個零鐘頭之後，佢親自擺俾我，淨係發咗兩個音：「ｏｋ」轉頭就走咗！

頭先問朋友L意見，佢奇怪點解我對台灣人無意思，但成日提起佢？係咩？我又唔係好覺，我仲以為佢係上司，擔心咁樣溝通有問題，但又唔知點解決，應該要諗方法同佢溝通，不過又好怕佢.......諸如此類。

今日佢成朝早與「前度目標」頻頻玩SMS，我喺隔籬睇住，竟然一啲感覺都冇，早餐同lunch果陣仲同佢傾得好似之前咁開心，太好喇！一齊回覆原狀，心態亦一樣！工作效率仲幾強添，起咗三份稿，差一份就攪掂晒下個禮拜ｄ稿嘞！