46心心

聽Baby講,上次佢放工之後趕去尖沙咀玩具反斗城買咗個心心立體砌圖畀我,呢個心心由46塊粉紅透明水晶膠pluzzles組成,而家呢個心心就放咗喺公司枱面。

個傻佬由地鐵站落車跑到去玩具反斗城,佢話唔使十五分鐘,仲要排埋隊、買埋禮物,......

我每日返工坐喺張枱果陣,都會諗吓成張枱差唔多全部擺設都係佢買,都會好開心佢有呢份心思,或者正如佢講,佢的確花咗唔少心機同埋時間氹我開心,或者自己要學吓放低一啲唔開心既原因?!

臨放工之前,佢無端端攞咗我部手機話影相,結果影咗兩張日落既相,我覺得影得幾好,第一時間已經轉咗做wallpaper!

由細到大,雖然喜歡夜瞓,所以偶然見到日出日落我都會望一望,好少人陪過我欣賞,亦未試過有人喺工作既時間提我去望一望迷人既日落景色,幸福既感覺.....來自上帝創造的日光,也來自一個願意提醒我欣賞的人。

恤衫

我自己本身對恤衫從來冇偏好,但係唔知點解,每次見到佢著恤衫就會心跳,今日佢又著咗件恤衫返工,......

成個晏晝都心思思想走過去房仔,雖然我都係走咗過去幾次,不過唔敢望太耐,怕會心臟病發!結果攪到我好難集中精神做嘢添!真係出事!

冷靜落嚟諗返,其實真係幾好笑!