Superman Return!

昨天專登放補假帶敏敏去睇超人，可能我很久沒有帶他去睇戲敏敏顯得很開心，期間他很多次笑住對我講：超人呀！Superman呀！

以前渴望有一個男人可以像超人一樣，當自己危難時，及時出現，arround me always。現在反而寧願自己一個人，也不情願再痛。愛一個人太苦了，付出與回報永遠不成正比，也許是我的命運！

或者呢套戲裏面無怪獸異形，敏敏無之前睇Harry Potter果ｄ咁驚青！睇完戲之後，我帶佢去老麥既Cafe度食蛋糕飲咖啡。原來敏敏同我一樣，鍾意食芝士蛋糕多過朱古力蛋糕，鍾意飲cappuccino多過mochaccino，見佢食得好開心，真係想每個禮拜帶佢去食！

其實敏敏已經好耐無再提起過佢，不過今日到咗地鐵站閘口敏敏以為佢會嚟（因為以前我哋會一齊睇戲食飯），我向敏敏又再解釋多一次，佢好似明ｄ唔明ｄ咁，之後又再無再提起！感覺已經沒有之前咁寂寞，至少敏敏還牽著我的手便夠，還有母親大人健健康康，上天已經待我不薄！真心的！

M可能知我呢幾日有點失常，常常在我身邊打轉逗我開心，難得在蟻窩裏有個伴是值得欣喜感恩！今朝早我們食早餐時，他說收到風我果組ｄ老細和同事個個都讚我乖！（準時交稿，有多無少！）對於我來說是警號，這些讚美的說話多了，便樹大招風，惹來流言蜚語，提醒自己應該要再低調一點。我向他歎道，近期越來越發覺言多必失，講多錯多！我引用了這幾天的事例，每個人心中總有忌諱和利害衝突，包括自己！

M部分的性格與我相近，要不是他的存在，我一定少了很多笑聲！雖說現在對住佢幾乎無所不談，可是人生無常，知己難求，亦難保他朝變臉！不過講到底，多一個真誠關心自己的朋友，總算是一種福氣！

糖水忠告

７月又是令我容易哭泣的日子，差不多過去一年，以為放低了還是差一點點！

M在正日問我為什麼整日古古怪怪，好多心事，不知怎樣透露了少許！（多少次向自己說：過去的事別再提！別再想！）

我坦言答：這是我ex的生日！（一個沉痛的日子！）

M：應該很傷吧！（也不是很傷，已經很久了！）

昨晚因M不想與他的女同事同車，所以推說在我家的地鐵站下車，我忽發奇想，便藉口去APM食糖水，落車後，M竟然真係想食糖水，便到food court，傾咗差唔多一句鐘！

善於觀察的M也同意台灣人近日衣著特別「肆正」（咁又未必關我事，純屬巧合啫！可能人哋拍緊拖呢！），也體諒我的「後遺性」發作！不過，他直言我不能不分尊卑（因為我頂撞了台灣人幾句），也不能這樣下去......

我都知「咁樣唔得！」「咁樣會嚇親人！」

但係佢行得咁近，我真係驚到病發！

By the way,我真係好感激M呢個開心果！所以今日去馬沙買返兩排朱古力，補償返上次「不嘢無」食咗我送俾佢果排牛奶味朱古力。

Y上月離隊，小師弟９月執教鞭，Z下月完contract，Chow San已萌去意，剩返我同M，暑假之後，有點前路茫茫！

卵子效應？

節錄Yorkie's blog:
「時 下 男 女 分 手 後 ， 女 方 因 而 情 緒 失 控 、 歇 斯 底 里 ， 與 對 方 拉 拉 扯 扯 ， 結 果 又 告 復 合， 對 於 這 種 現 象 ， 臨 床 身 心 行 為 學 家 李 寶 能 昨 日 接 受 本 報 查 詢 時 ， 解 釋 此 之 為 理 性 與 感 性 之 間 的 矛 盾 ， 受 制 於 女 性 的 卵 子 效 應 。李 寶 能 表 示 女 性 的 感 情 本 能 是　從 一 而 終 ， 此 特 質 來 自 卵 子 ， 卵 子 接 受 精 子 後 會 關 門 ， 不 會 再 接 受 其 他 精 子 ， 等 同一 位 女 性 曾 接 受 A 君 ， A 君 已 成 為 她 一 部 份 ， 故 在 感 情 上 難 以 抗 拒 ， 在 卵 子 效 應 下， 自 然 拒 絕 接 受 其 他 人 。」

「5年來的早餐

在一個很忙碌的早上,大約是8:30,一個大約八十歲的老人家,想找一個醫生幫他拆線.他很趕;但醫生正在幫人做手術,所以,他一直在等,不停地看錶.當時這個護士自己不是太忙,看著老人家好像很趕似的,自己又沒什麼好做,好吧!讓我來幫他拆線吧!我叫那個伯伯先坐下,然後,我再把傷口上的布一層一層地拆下,一邊拆一邊和那個伯伯閒聊．

護士小姐特然好奇地問:[為什麼你這麼趕?]
[是呀!因為我約了人9:00,真不好意思,麻煩了你!]
護士好奇的想:八十多歲的老人家應該不用上班的了,什麼事情讓他那麼趕呢?
老人家說:[是呀…是呀…我要趕去老人療養院陪我的老婆吃早餐.]
護士小姐就更加好奇:[啊呀!原來入了療養院啊！沒有什麼嘛？]
老人家答：〔啊！沒事了，柏金遜症罷了，都好一段日子的了．〕
護士小姐幫他拆好了線，看一看錶：〔哎呀！你會遲到，怕不怕你的太太會擔心你呀？〕
老人說：〔不會，這五年來她都不認得我了，我去不去，其實她都不知道．〕
護士小姐很好奇地問：〔ｏ下！她已經不認得你五年之久啦！？你還每朝早去？〕
老人笑笑口，拍拍護士的手說：〔她不認得我，但我認得她，那就可以了．〕跟著他就慢慢轉身走了．

護士看著他的背影，眼淚慢慢地落下來了．她自己想：這就是我需要的愛情．真正的愛情不只是身體上，不只是講浪漫氣氛；真正的愛情是接受，接受以前的對方，現在的對方和將來的對方．無論他以前是怎樣，現在或將來是怎樣，快樂的人不一定要最好的．快樂的人是把他所有的都看成最好的。」

＊期望普天下「從一而終」！可幸我大部分朋友仍然是地球村裏的小數民族，經營幸福！

收歛？？

自從台灣人上次用咗個唔啦更既英文字形容我之後，連行為都古怪起來，平日喜歡模仿同事和講笑的行為幾乎收歛晒，真係有ｄ唔尋常！

今早竟然見他獨自一個人在遠處食早餐，好古怪！！
我就用我強項－－扮睇唔到佢，繼續同我班同學仔喺canteen玩到癲咗......總是覺得C小姐應該是對他有意思.......

有２張相都是M的傑作，太有紀念價值！前者是我們合二人之力而偷拍，後者便是我行開一陣，佢喺我部腦度攪既！如果少了M，我想我在這裏會很孤獨！

遲了幾年的禮物

昨晚到又一城EXP dinner，L突然拿了一個紙袋送給我，原來是一件小背心和一支髮簪，很感動他真的買給我！如果他沒有騙我的話，這袋禮物應該是４年前買下，至今才有機會給我。可惜我胖了很多，小背心應該穿不下了！

今天刻意盤起頭髮用這支髮簪，我組的同事都稱讚我的髮簪很美，我還即場表演昔日教客人盤髮髻的技巧！

3 小時??

頭先同中正走過來，問我同Chow San食唔食飯，她在趕稿慣例唔食，而我打趣叫他請我食，結果他竟然專登落canteen幫我買一份tuna fish sandwich，從來沒有一位老細會像他幫馬仔「山長水遠」去買外賣兼送貨，的確有小小感動！之後佢竟然話覺得我好elegant，吓？？唔係掛？我坦白講，好多時我分唔到佢哋幾時講笑，幾時講真，工作上只能盡量配合！佢就解釋佢哋係講笑趨我交稿，我問他傾包片的問題，他建議我用另一個方法，我在消化這個工作模式．．．３小時？可行嗎？我有些少confused ,不過我都會嘗試！

話說今早可能因昨天煤氣師傅用我的臉巾抹手，大清早洗完臉之後，整塊臉都好似灼傷一樣紅，攪咗差唔多半粒鐘先至好ｄ，後來返到公司又紅返，忍唔住往公司駐診醫生求診！我驚蕩失路，所以叫M倍我睇醫生兼佢俾埋錢先，食完藥之後勁眼瞓，金仔晏晝回歸，慶祝佢同風水生日，食蛋糕兼吹水，結果連一份稿都起唔到，惟有幫佢哋執返以前ｄ稿攞去剪片。

今天還有少許怪異，當我影印時，同一層樓有個男仔主動走來跟我打招呼，隔無耐又喺２樓見到佢迎面過來，少煩！雖然他確實幾高大好樣，但係我無興趣！

Z最好笑俾我同風水大整蠱，Sandy真係將我哋個笑話當真咁轉述俾「乜嘢無」聽，攪到Z日日被人問幾時收工，Z當然好激氣！仲猛話係人都知佢白鴿眼，無理由會信我哋講佢暗戀「乜嘢無」，BUT呢個世界有２個女人信，服未？

越來越覺得這個蟻窩似學校！Happy Forever!

Recepsionist

我寫稿唔鍾意坐自己個位，事關背脊係阿冰佢哋，成日驚阻咗佢哋做嘢，佢哋又嘈住我寫稿，大家咪就吓囉！結果今日選址錯誤，原來F唔喺度，Chow San個位變咗recepsion位，攪到我今朝早忙到下晝２點幾３點先忙完。

今日一返到去，F就叫我幫佢揾佢份稿，之後幫佢打返ｄ字e俾佢；
食完早餐，又輪到Chow San叫我幫佢整返段字幕，攪到差唔多成１點；
Lunch果陣，Promo果邊有個女仔揾我果組既同事攞帶，我就做埋導遊；
兒童組果邊，又有個writer問我無線上網點解print唔到嘢；
呢頭答完，果頭輪到Carman想我執返段VO，執完就問我有冇稿未edit...
成朝做咗recepsionist，Z稱之為小郎隊！晏畫間唔中分別同M、其他同事玩咗一陣！

以為今日實交唔到２份稿，結果反而今晚可以10點幾走得，證明好心真係有好報！

差點哭了

最近因為兩位supervisors經常催促我包多ｄ片，結果攪到今個禮拜差唔多每日有我包既三四條片咁出，但佢哋仍然想我交多ｄ！

其實我唔係介意佢哋要我交稿，只不過係confused究竟我係咪工作進度太慢未達標呢？同我有偈傾既PA Sunny、Jason、衡仔就成日叫我走，唔好成日做到咁晏。但係初初Writer Bonnie又話一日起碼要包２條片，Super Sampson又話一個禮拜要包６條，Super中正成日問我一日包唔包到３條，Chow San就話中正想每人每日２條．．．個個version唔同，即係點呀？

老友K因公事call我，我匿埋咗喺休息室同佢傾咗好耐，佢教我計包一條片所須時間，結果係我快咗！

我因為太擔心自己跟唔到個bit，擔心咗好耐，不過總算明白了！原來２位Supervisors覺得我寫得快，所以想我包多ｄ！總算鬆了一口氣，至少知道自己的工作能力符合標準，已經幾好！話晒我放低咗支筆４年，吃力是難免，幸好出嚟效果俾人讚幾好，算唔錯！

今日再與M討論這件事，認為我太賻命，佢哋只會越俾越多嘢我做，仲狠批我唔夠２個月會走！我同佢解釋，我唔介竟做得多，淨係驚做錯嘢！如果係咁又幾好，做多ｄ咪學多ｄ囉！

世紀零食大戰

唔知從幾時開始，就與同學仔M開展呢場世紀大激鬥－－劈零食！

上星期五中正突然要我包北京同埋上海料，因為我的普通話不太靈光，所以拜托M幫我聽咗兩個國語訪問，我知佢同我一樣勁鍾意食朱古力，所以應承咗佢買咗４條唔同味既馬沙朱古力報答佢，結果引發咗呢場腥風血雨既零食大比併！

翌日佢竟然帶咗一大袋花生杏仁餅返嚟，仲搭埋２包黃色M＆M；
我咪又買返２大包OREO餅返去，過咗２日仲買多２包曲奇；
豈料M投訴佢係鍾意食朱古力，唔係餅乾．．．

大家日日係咁食鬥快肥，呢股旋風仲直捲其他同事加入戰團，攪到今晚個垃圾桶滿晒ｄ零食包裝紙．．．佢見ｄ食到七七八八，今晚返去要入定ｄ貨，總之要死大家一齊死，要肥就大家一齊肥！

待續．．．

孩子心聲

仍然夢想我可以，再翱翔於天際間，
仍然夢想再觀看，燦爛繁星的夜晚。

爸爸你可知，此際孩子掛念你歸家仍路遠。
媽媽你可知，此際孩子掛念你每日操心打轉。

仍然夢想我可以，創造虹光繽紛，
仍然夢想再聽見，每段迴響的樂韻。

爸爸你可知，此際孩子盼望我恩主維護你。
媽媽你可知，此際孩子盼望你每日分享主愛。
讓我每天得到真愛，那懼明日風浪和雨，
讓我每天得到真理，努力尋覓生命真義。

仍然夢想我可以，有日能擔悲與喜，
仍然夢想再感到，壯茁成長的善美。
爸媽你可知，此際孩子正願意一生陪著你。
爸媽你可知，此際孩子正願意每日都關心你。

自主權

今日本來起左一份稿，但到夜晚７點，中正又再叫我即晚起多一份，結果攪到１點幾先至有得走！同組的同事一早已經走晒，有點迷惘！

努力工作，只為追回這４年的經驗。同期的行家已經當上supervisor，反觀自己仍做緊trainee，未至於很難受，之前聽好友P的鼓勵－－「沉著應戰」！

BUT，曾經試過很努力工作，結果一瞬間什麼都沒有！人生無常，過得自己過得人便好了！至少在這４年艱難的日子裏，還有得著很多呢！自己不應看得太灰，枉費咁多人的努力！

說返上星期六，第一次交稿俾中正，之前還擔心一大餐，結果．．．登！登！登！一粒字都唔駛改，竟然仲被佢讚添！好感動！

同事們近排笑笑口咁勸我，咁勤力無用，佢哋只會俾多ｄ嘢我做！多嘢做係好，咁即係我多ｄ片出街囉！由每日１條片至聽日開始４條片喎，幾好０架！不過每日要提住自己－－「驕兵必敗」這個恒常道理！

昨天倍Honey配眼鏡，很開心！我諗可能工作忙，的確開心咗好多！至少知道我還有工作能力，我相信神放我在這個位置，必定有祂的理由，一定有！只是我未攪清楚．．．

最失落應算是少了時間倍屋企人，我知母親大人很關心我的健康和感情著落。少了時間update新聞，少了時間休息，最安慰便是每星期日放假可以返教會聽講道，好似幫我打補針一樣，也是黑暗中的明燈。

今早偶然遇上朋友仔Y，傾咗一陣就各行各路。遲ｄ有時間一定要找他傾多耐ｄ，趁佢近排心情無乜異樣，無計啦！十幾廿年老朋友，好難有個咁錫我既朋友咯！抵我錫佢既！

人在做，天在看！心靈總有從祂而來的說話，這是好的！

昨天我聽完「我豈是看守我的弟兄嗎？」講道之後，我想起這篇講道，提及第一宗謀殺案，該隱殺阿伯的故事，可能是神的串連，結果被我估中！祂藉講道提醒我，這是好的！雖然我還未達標，最緊要是祂明白，「珍珠」只不過係過眼雲煙！

己所不欲，勿施於人！

「己所不欲，勿施於人！」今天我送了這句話給同學仔F。

事原係我早兩日聽到第二組同事傳返嚟俾我聽，F覺得自己不適合這份工作，並且已萌去意。這是事實（見親佢都同我講），同時也是流言。我慣常處理蜚語的方法，必定先會直接找當事人，不太喜歡把說話傳來傳去，免得自己估錯，錯怪好人。這個方法是多年老朋友兼恩人John傳授，John當年曾對我說，真正的關心是直接，間接果ｄ叫......！我認同他這個做法，所以沿用多年。

Lunch時，我單獨與F一起，他向我吐完苦水之後，我便提醒他，別再向其他人說這些悔氣話，免得惹人誤會。起初他不聽我勸，以為我唔俾佢發洩不滿，後來我叫他易地而處，想想如果他做老闆，收到風呢個員工成日喊走，呢樣不滿，果樣又不滿，正常老闆都會認為他工作不會認真到那裏去！何苦自己明明不是那種人，偏偏要迫人誤會自己呢？我明言這是他任性的責任！他好像突然醒了！

讓我感到安慰是他知道我的出於關心，而非說三道四搬弄是非。至於箇中道理，則要看他的造化了。

經驗讓我更清楚明白，將說話傳來傳去，有機會傷害到別人！因為當我轉述別人的說話時，加入自己主觀評估，最重要係極有可能估錯，萬一傷害隨之而來，凡事不一定可以修補，尤其人的感情，可免則免！

說話若非造就別人，榮神益人，更甚是傷害別人的話，寧願自己是個啞巴，反而穩妥，起碼少了一宗罪！

M問我會否動怒嬲人，我順口答：唔會！
「阿邊個都唔會？」「唔會！」
嬲人鬧人咁嘥神既事，我呢ｄ懶人唔做，勸完就算！
珍珠還是自己Keep，好過俾隻豬；
豬食完珍珠不會言謝，倒會反咬自己，試過太多次，何苦呢！
人哋做乜，唔代表自己要跟住做既！
人哋死，唔通又跟埋佢去死咩！

高傲還是害羞?

今早剛巧與張國榮同一班公司車，兼且同一架lift......

完咗個course之後，一直以來他沒有跟我們打招呼，同學仔認定他是獨家村。
自己一個人食飯，自己一個人在公司行來行去，
M仲好笑，因他經常神出鬼沒，呢頭見完佢喺canteen，果頭即刻竟然見到佢喺６樓行喺我哋前面，話佢係twins，好驚！

張國榮的才華在於他的低調，周星馳風格罷，他入行應該比周還要早得多。一字一句皆風趣幽默，可惜沉默寡言，似是不著跡的努力。其實我不清楚......

一直很期望有機會再跟他學習！今天返工搭車時，偶然温習上月的筆記，豈料......

在升降機內，他問：「你而家派咗去邊一組？」「生活台。」
「吓！仲未還返嚟咩？」「他們不夠人，仲有一個位未請到人。」
他不洩地：「死咗條心喇！唔會調返嚟架嘞！」「所以我咪得閒温返以前ｄ筆記先囉！」
他好奇地問：「乜你哋有筆記咩？」「我以前上堂果陣有寫筆記，你都有份......」
又再不洩地：「掉咗佢喇！無用架！」
升降機門開了，後面遠處傳來他fade out的聲音：「無得返嚟架嘞！死咗條心喇！」
俾佢笑死！

之後，我跟同學仔好開心咁講，張國榮竟然主動同我打招呼！佢哋便笑我一定用咗咩暴力叫佢就範，如果唔係既話，佢唔會同人打招呼架喎！

平時佢見到我哋任何一個，都會兜路行。不過頭先晏晝，佢竟然又行過我身邊，奇蹟呀！我便笑笑問佢食唔食朱古力，佢就擰晒頭「俾咗好多個五」添！佢竟然望到我喎！

同一日發生咗兩次「奇蹟」之後，我突然覺得，可能他似係怕羞，多過好似其他人以為佢睇唔起人？？

努力! 加油!

今日見到Benson等lift果陣好攰咁，好多嘢要跟，好辛苦！我問佢想食乜嘢，我請佢食幫佢打打氣，佢竟然答想食雞蛋仔，點買呀？跟住就話想食芒果乾和粟子。

下午４點左右已經無乜嘢做，Z要我等佢倍佢食Dinner，一等就等到７點。食飯果陣，M & Z ２隻嘢又講「不嘢無」講到雞啄唔斷。

我忍唔住問佢哋，點解唔諗吓直接同佢講ｄ問題？
Z問我，他是否不夠大方？我答是。
M反駁說，不應難為自己。
佢哋反問我，如果換轉係我會唔會嬲？
當時我答唔會。

我常以為自己已變成無乜脾氣，可是人始終...好難講！
細Honey讚我把口甜到漏，「乙水」死人，
聽到這些話提醒自己更加要小心！
因為越懂得逗人歡喜，對於我來說，便即是越識得傷害人
（唔知從幾時開始，我忘記了自己有這種說話傷人的能力，感謝神！）...惟有希望自己EQ有進步，雖然唔知道幾時我會再發脾氣，不過都希望自己懂得處理負面情緒！

「己所不欲勿施於人，愛主所愛，惡主所惡，忠心事主！」
這是昨天所學到，持之以恒又是一條艱辛之路！

放工之後，我叫埋M去零食物語度揀想食乜嘢，唔使講梗係朱古力，我仲買咗兩包粟子。我哋一邊搭車一邊食，討論邊隻朱古力好食，Z就倍咗佢哋個阿姐搭咗一個站，喺調景嶺join返我哋，結果我叫M攞埋ｄ朱古力返屋企，見到佢攬住２盒朱古力唔放個樣，真係幾似松鼠！

今天有少許無奈，見住２個supervisors好頭痛，自己行行企企stand by咗成２個幾３個鐘頭，乜都幫唔到手，新同事O、同學你M和Z叫我無嘢就早ｄ走，心裏不太好受，希望佢哋可以大步檻過！

I was happy yesterday.

昨天本來約了「士多啤梨」(即係M）夜晚一齊睇港男Live，但晏晝Carmen突然叫我幫海倫dubbing 3份稿，我便欣然答應，點知攪攪下變咗dub７份稿，由夜晚7點dub到12點幾，好開心因為有份參與！不過睇唔到大show幕後，港男喎！有ｄ遺憾，惟有等下次港姐show喇！

我看見，雖然大家都滿口怨言，但一樣攞個心出來，互相幫助，將件事做好的Passion，令我很感動！

未dubbing 之前，我諮詢過Suppervisor S的意見，他勸我唔駛一定將份稿扭咁多（攪咁多花臣），扭到就扭（即係唔好勉強一定要扭），仲話個節目唔係俾師奶睇，係無人睇（我估佢係講笑）。Dinner時，M預計Marty(artist)應該唔會照我的方法配音，初時我未聽過Marty把聲，又唔識佢，所以有保留，後來發現Marty個人，其實都幾謙厚和勤力，加上佢主動問我ｄ稿點讀，我便開始放肆，但因時間所限，大拿拿dub７份稿，人哋仲要今次無得計show錢，所以有ｄ地方，我都隻眼開隻眼閉，ok pass就算。

我坦白跟Marty說，他的聲底好靚，仲可以表現好ｄ，下次如果時間許可，我會將佢把聲扭到最好先出街，他竟然話好喎！我一定會將呢件事講返俾M知道，他睇錯人哋。

同學仔F形容同學仔M個樣似士多啤梨，Lunch果陣我有將呢件事講俾M知，咁咪好多女仔鍾意"０答"佢咯，仲建議他將頭髮染成綠色，就更加似，攪到M鬼咁開心。

同學仔之中，我與M最投緣。M昨晚說因為我好，所以佢話同我最friend，我信佢架，因為我都覺得佢對我好，其實個個同學仔都對我唔錯架！尤其是M和F差不多每天找我傾心事，有d似返學！

每日返去都會直接或間接聽到唔同人有唔同抱怨，我記得以前我也會這樣，可能我現在仍是一樣。我跟印印說，昨晚遲了回家的原因，印印問我為什麼佢哋唔做，俾晒我做？我便答，他們叫到我便做了，我來是學習，做多ｄ我咪學快ｄ囉！

還有,Carmen跟我說，她睇過我寫的「泰國大減價」出街，她話好好笑！唉！我到而家仲未睇過自己ｄ嘢，聽日有時間要錄返留底！想想這十幾天，每星期一至五自己有份的節目將會出街，roller見到自己個名，真係好感動！好幸運！如果人工高ｄ，工作量少ｄ，質素高ｄ，咁就perfect！

Crash

昨晚跟intern Z往電影中心睇Crash，齣戲裏面好多位都可以諗好耐，對人性兩極的描寫細膩感人。多個角色裏面，我最喜歡小女孩的童真。佩服編劇對２名警員的情節，尤其Matt Dillon釋演Officer Ryan角色很立體，與Thandie Newton釋演的Christine角色的衝突。
凡事都可以做，但對別人或自己不一定都有益處，更深層探討。人性同時存在正負面，眼睛別放在別人的行為上，總要在自己的行為和誠實上，「言多必失」是永恒真理！








睇戲前逛電影中心裏的精品店，Z知我想睇金賽博士，便幫我借了VCD。之後去了廟街榕樹頭附近一間古老茶餐廳，歎咗一杯紅豆蓮子冰、點了一碗蟹肉伊麵和一碟享譽五十年的焗排骨飯，跟肖狗巨蟹座的Z無所不談，感覺輕鬆！初認識Z時，覺得他的樣子和動態也很像過氣「男主角」。可是與Z相處完全freedom，但與過氣「男主角」則多了一丁點「雜質」。

今晚往深水埗換Wireless card，便約了老朋友見面，往另一間茶餐廳各自叫了紅豆冰，聊聊天談近況......很享受每次約會都由他結帳。然後他問我：「識唔識路搭地鐵？」我往地鐵方向一指，他便安心地讚我「大個女」咯！不久之前，他還時常找我晦氣；不過，今天又變返我的老友「哥哥」！

在他（或者其他老友）眼中，我仍是被痛錫！幸福有時不用尋找，只待發現和珍惜！

每天2個問題

今天的靈修功課便是每天問自己這2條問題:
1）我今天面臨的最大的問題是什麼？
2）我今天要做什麼來解決這個問題？

然後努力練習可能思想，究竟什麼是我「無法解決的問題」，然後思想它是可能的，如果.......

“你就信麼，你將要看見比這更大的事。”約翰福音1章50節

我最大的問題或者是......信心，對嗎？

生果重遊感言

從來沒有想過重返故地，幾天前竟然坐在昔日的崗位。
四年幾前便坐在那裏工作，突然被out，當日心情很難受，促使我做生意的決心，「無生果金唔使死」便是那種傲骨！
四年過去，心情仍難免有點漣漪，幸好不成巨浪，
依家返去HEA，縱使他朝返入去工作，輕鬆自在，已經沒有任何壓力可言！
今天興幸還可以誇口說，無生果金的確唔使死！
不過辛苦ｄ囉！

係欣賞，唔係喜歡！

細細個讀書果陣幾崇拜佢，我曾經修過他的五天短期課程，可惜當年的筆記早已不知所蹤了！依家果種係欣賞！

我哋相識都幾奇妙！好耐之前係我識佢，But 佢唔識我；
兩三年前，聽講佢經常重覆又重覆聽家人說我的事，應該悶死佢；
大半年前才相識，大家有點尷尬，直情大家都唔敢傾偈。

自從佢放完假返嚟之後，總覺得佢望我ｄ眼神有ｄ怪，
覺得佢好似想同我傾偈，但又唔知點開口咁。
我亦好想同佢討論下一ｄ野，不過未有機會。

一上一落的眼神接觸沒有太多次，佢望我閃，我望佢閃．．．
今日佢竟然幾次唔記得重要既事，
今天我坐在一位剛從台灣返港的男性朋友隔籬，
臨走前，終於他先開口say hello,未等佢講完即刻應左聲，然後急步走開了！
佢．．．太高難度啩！

「紅日」現身

上週六臨時被安排到「一舊雲雀局」幫手，今次是「黑芹」做嘉賓！開心到我吖！！至少開心過上次見「紅棗兒」！

雖然有機會見到「黑芹」真身，可惜我大部分時間在廚房，根本聽唔晒成個訪問，好遺憾！！

「黑芹」是我喜歡的少數香港藝人其中一員，因為他的確幾有才華，亦曾經「黑仔」過，曾經與他同期出道的藝人都比他早紅。至今捱左足足１７年，幾年前才終於捱出頭來，毅力過人！好嘢！

＜紅日＞是他在低潮時自勉之作，亦是我自己的打氣歌，以前我常與阿敏一起唱，阿敏都可以背晒歌詞，依家教佢唱新歌已經背唔到．．．．．

１７年並不是一個短時間，楊過等小龍女都只不過等左１６年，咁我計落應該捱幾多年先至出頭呢？