Superman Return!

昨天專登放補假帶敏敏去睇超人，可能我很久沒有帶他去睇戲敏敏顯得很開心，期間他很多次笑住對我講：超人呀！Superman呀！

以前渴望有一個男人可以像超人一樣，當自己危難時，及時出現，arround me always。現在反而寧願自己一個人，也不情願再痛。愛一個人太苦了，付出與回報永遠不成正比，也許是我的命運！

或者呢套戲裏面無怪獸異形，敏敏無之前睇Harry Potter果ｄ咁驚青！睇完戲之後，我帶佢去老麥既Cafe度食蛋糕飲咖啡。原來敏敏同我一樣，鍾意食芝士蛋糕多過朱古力蛋糕，鍾意飲cappuccino多過mochaccino，見佢食得好開心，真係想每個禮拜帶佢去食！

其實敏敏已經好耐無再提起過佢，不過今日到咗地鐵站閘口敏敏以為佢會嚟（因為以前我哋會一齊睇戲食飯），我向敏敏又再解釋多一次，佢好似明ｄ唔明ｄ咁，之後又再無再提起！感覺已經沒有之前咁寂寞，至少敏敏還牽著我的手便夠，還有母親大人健健康康，上天已經待我不薄！真心的！

M可能知我呢幾日有點失常，常常在我身邊打轉逗我開心，難得在蟻窩裏有個伴是值得欣喜感恩！今朝早我們食早餐時，他說收到風我果組ｄ老細和同事個個都讚我乖！（準時交稿，有多無少！）對於我來說是警號，這些讚美的說話多了，便樹大招風，惹來流言蜚語，提醒自己應該要再低調一點。我向他歎道，近期越來越發覺言多必失，講多錯多！我引用了這幾天的事例，每個人心中總有忌諱和利害衝突，包括自己！

M部分的性格與我相近，要不是他的存在，我一定少了很多笑聲！雖說現在對住佢幾乎無所不談，可是人生無常，知己難求，亦難保他朝變臉！不過講到底，多一個真誠關心自己的朋友，總算是一種福氣！