當地球上的狗遇上月球上的貓

今天的月亮很美麗，吸引著平日只顧咬骨頭的狗熊，
勾起牠對昔日一班傻傻地的朋友肥熊和高大虎無窮的思念，
唔知佢哋０依家做緊乜嘢呢？？

突然有一個水晶球在黑暗中出現，
水晶球裏有一位發光的小天使對狗熊說：
「狗仔！你成日顧住玩骨頭，乜你唔厭咩？」
狗熊吠了一聲，答：
「我淨係識咬骨頭，成日要看住門口，唔可以出去其他地方玩０架！」
小天使拍拍雙翼道：
「不如我介紹個朋友你識？佢都幾靚女０架，咁你弊唔使咁悶咯！」
然後又有個水晶球出現，這個水晶球裏面有一隻斯斯文文的貓女，
小天使向狗熊介紹：「呢位係來自月球的阿Moon，佢俾巫師落咗咒語，所以０依家又聾又盲又啞，佢唔識得郁，好似睇唔到嘢，聽唔到聲，講唔到嘢。我哋喺月球幫佢搵咗好多醫生都醫唔好佢，所以就帶佢去其他星球搵人幫手救吓佢，只要有其他星球０既動物肯同佢做朋友，就可以幫佢解除個咒語，你肯唔肯幫佢呢？」
狗熊心想阿Moon咁可憐，橫豎自己都無其他星球的朋友，便答應小天使，小天使很高興地說：「狗仔，你試吓同阿Moon講嘢，或者佢會聽到０架！」
狗熊想一想，自己最鍾意咬骨頭，阿Moon應該跟牠一樣很喜歡咬骨頭，所以決定將牠的骨頭送給新朋友作見面禮，對方必定會很開心，於是牠向貓女阿Moon說：
「阿Moon你好，我叫狗熊，我很樂意跟你做朋友，所以送我嚿骨頭俾你，等你成日見到呢嚿骨頭就一定會諗起我對你咁好！」
阿Moon奇蹟地動了動身子，再保持原來的儀態坐姿，對狗熊說：
「我係貓唔係狗，淨係鍾意食魚同貓糧，你送嚿骨頭俾我做乜喎！」
從此阿Moon的咒語被狗熊解除了，狗熊以為是因為送骨頭便等如對阿Moon好，於是每日至少送一嚿骨頭俾阿Moon。不過阿Moon不明白狗熊明知自己唔咬骨頭仲日日送嚿骨俾佢，而狗熊就唔明點解阿Moon每次收到「禮物」之後的反應都是這樣冷淡......