15/16唔玩唔舒服

昨晚又與老友熬夜解決感情問題，雖然過程中令她情緒失控，不過暫時總算平伏了她的心情......

真正懂得如何愛惜對方，算難不難，算易亦不易，但切忌strong ego！
未找出真相之前，已經誤以為自己付出很多，並將之放大然後要對方負責，不過是其中一種常見於感情生活的精神病－－「妄想被迫害症候群」，能否治癒決定權最終在乎自己選擇的態度。

扭盡六壬之餘，還不忘跟她輸賭，如果......就罰「唔著底褲返工」！
我幾時都話蜜運中的人零舍「奪」，佢竟然仲問我，係咪輸咗要拎條底褲畀我？哈！傻婆！

輸賭呢啲嘢，憑良心就得嘞！

之後，我與在場聽住我講電話的Cindy談及此事，我們笑得人仰馬翻之際，美國人老細突然衝咗入嚟，Cindy笑著向美國說：佢（我的英文名）話你（美國人）唔著底褲返工喎！（我先是一呆，然後便繼續狂笑！）美國人以慣性的stone face口吻：你話我唔著底褲返工，你點知呀！你睇過呀！公司冇人知道我著底褲返工喎！你哋唔好話畀其他人知呀！

說罷離開了！（原來這間公司唔單止我變態，重有咁多人係傻既！！）

老友昨晚問我，還有冇受M小姐事件影響，答案是有的。
最明顯便是與Baby閒談時，說：
唔准捽人哋背脊呀！......他答：「我都話冇捽人背脊咯！」
唔好諗住捽人背脊呀！......他答：「我都話冇捽人背脊咯！」
總之，喜歡攻其無避，以「...捽背脊」開始，他的下對便是：
「我都話冇捽人背脊咯！」

我覺得我哋好似玩緊「15/16唔玩唔舒服」？