聽天文台預告，今日氣温會跌至十度或以下，我見新印印的衣衫單薄，所以再給她一件較為厚既褸和買了一件新的抓毛背芯，見到佢收到新衫開心到，猛話我一定make 好多money,揾到個好男人。
人心肉造，見新舊印印都係孤伶伶咁遠嚟香港工作，我都想佢喺度做得開心啲，如果可以的話，我都想當佢哋係屋企人，對佢哋好啲！想個屋企warm一啲！
新印印嚟咗屋企差唔多一個月，大致暢順，亦幫輕我不少負擔。我好欣賞佢好有愛心，佢年紀比我還少幾歲，但自問不及她那樣好耐性對待自己母親，深感慚愧！
她已經不只一次提醒我，蕭師奶掛住哥哥，thinking too much！今晚佢本來想同我講一啲嘢，但係我食咗藥，唔係太入腦，只係聽到佢話想喺香港做兩年，跟住就話蕭師奶又成日掛住敏敏，咩兩年之類......聽日一定要抽少少時間同佢傾吓！
Subscribe to:
Post Comments (Atom)
No comments:
Post a Comment