Baby's complaint

無定向間歇性喪失記性綜合症又發作！病發期間，症狀是選擇性失憶，基本上每天「撈」唔返之前做過啲咩，講過啲咩等等，就算「撈」得返，都已經唔係完整既記憶。

最慘係啱啱睇完套戲，都敢膽死唔記得幾個主角個名，出事嘞！

因此，Baby近排投訴我記錯重點，應該記啲好嘢，結果記咗啲「衰」嘢；老友小玲就猛話我唔識享受，難得有個體貼自己的男朋友，應該向前看，唔好向後望。（你哋估我想咁樣咩？！）

我諗我都要好好重整返而家亂七八糟的作息時間，正視自己面對壓力唔識放鬆的問題。

原來瞓覺真係好緊要，長期唔夠瞓，真係會攪到自己傻傻地！