愛的代價

新年假期已經第二次去睇中醫，服了兩劑藥之後，胃脹的情況不但沒有改善，反而嚴重了，本來以為今日舒緩的腹脹，但胃酸倒流又返嚟，胸口至喉嚨都好唔舒服，兩次差點嘔出嚟，嚇親同事！夜晚本來想睇西醫，不過剛服中藥，以為不適宜服西藥，便在家休息了兩三小時，後來才知道因為自己停食西藥的反應，原來唔可以淨係靠中藥舒緩病情......

今日大惡人又有新攪作，可能近排的工作令到我好緊張，中醫話我好似放鬆唔到，每次返家蕭師奶便想我食多啲嘢，新工人明晚便到，其實這些比起以前的問題，小巫見大巫，我真係weak咗好多！

今日好想見Baby，但係到而家差唔多凌晨三點，Baby仍未收工，又唔知要等到幾時先至有得見！

睇到好友的網誌，有一段關於近日她與另一位好友的SMS內容，令我反思自己有冇做錯。曾經被朋友指我太過將前夫的事代入其他人的感情事，令她們反感！

愛情的代價是沉重或輕省，好睇雙方抉擇。愛情可以好偉大，不過同樣既決定亦可以被指愚蠢盲目。我受過，所以唔想朋友步自己後塵，不過決定權終歸還在乎當事人的取向，最終還是她自己承受後果。作為朋友只可以俾意見，但當事聽得意見太多又會亂；唔俾意見，又怕令對方誤會漠不關心。好殘忍！

愛，有時可以盲目到包容對方任何缺點，可以無私地將自己最好的奉獻給對方，值唔值得則見人見智！然而，愛情不能絕對保證付出一定有回報，卻存在可見風險，這便是考驗雙方的信任程度。

上次跟Baby經過一間玻璃幕牆的食肆，睇見一對對couples坐在卡位的各異神態，沒有節慶的歡愉，Baby自言自語地說：這對係唔係情侶？果一對又係唔係情侶？

面對時代巨輪下的愛情百態，想擁有真摯的感情，最緊要有眼光選對象，還有信心和勇氣缺一不可！