就快甩難！

台灣人老細昨天宣佈，由下星期開始，我唔使跟廠。
嘩！開心得我吖！......之不過諗諗吓，唔知係咪我跟廠有咩問題而調走我？

好奇心驅使我今日開廠時，直接問佢。佢解釋話，唔係因為我跟廠跟得差或者有問題，而係因為某某要跟咩，某某又要跟咩，又有新同事嚟...諸如此類，所以我就唔使跟廠，做返老本行，即係包片嘞！

點都好喇！開咗廠咁耐，真係有啲唔捨得；雖然每天要寫稿同埋啃大量資料，工作濕碎，但係之前未試過，辛苦得嚟幾好玩，亦都係幾好學習與唔同人合作相處既機會。唔知幾時我會重返七廠呢？

不過最重要係，唔使跟廠就有機會多啲時間陪Baby，雖然只不過係「可能」、「有機會」多啲，我都可以乘機透返下！