再見敏敏

自從入咗三色台工作之後，差唔多半年未見過契媽契爺兩老了，除咗敏敏守夜那一晚。一直都想見見他們，或者打電話俾佢哋，可惜時間難就，另外便是忌諱我家辦完喪事不久。星期五朝早契爺打電話來，約今晚去食蛇宴，我本來想遷就，但昨日蕭師奶話暈得緊要，我便順勢推咗，因為不太想應酬其他契媽那邊的親戚。

今天下午往契媽度傾偈，老人家又重提舊事，她說很擔心我，怕我自己一個人，又說她年紀大，睇唔到我幾耐，令我很內咎。雖然大家未必認同，但我從來沒有抹煞過前夫曾經愛過自己，只是不能勇敢地再面對他，當時kept shaking body的感覺仍記憶猶新！不過，因為我的任性，令到很多人擔心自己這麼多年，覺得自己好weak！

我向契媽說了一個謊話，其實也為了自己的任性！

大約12月2號晚，我再夢見敏敏。第一次跟他有點口角，當晚發夢又見到他出現在我家裏，在我身邊唱歌，突現我聽到敏敏的笑聲，便跑到敏敏的房裏，見到敏敏如往常般躺在床上，望住我笑得好sweet，他跟著入房，我問敏敏知唔知他是誰，敏敏笑住答我：男朋友呀！我問敏敏喜歡他嗎？敏敏笑住答喜歡，然後便行出騎樓向著我們揮手，然後fade out離開！

無法分清楚是我日有所思，夜有所夢，抑或是其他，但能夠在夢裏見到敏敏不再受苦，開開心心地笑，總算是一種幸福！

＊很久沒有像現在般討厭自己，too much noise! Full of sorrow!幾時先至可以positive一啲！＊