累積 vs 點數

轉貼自友人的blog:
隨着歲月,我地感情變淡啦,過去係我一個人好努力咁經營,努力經營到好似初初識咁,但牛又點會係咁呢,佢一早昇華到,只照顧我起居飲食,佢做好多家務,洗衫,拖地,我地住埋後,我只洗過一次衫,拖過一次地,我連屋企個洗衣機點用都唔肯定....

逢趁佢返夜,都會留底切好的橙或者蘋果俾我食,豪花十二月,佢更加俾了不少筫助費...

每逢假期就有點傷腦筋啦,去邊?做乜?之前連續四日假期,都對住牛,竟有點悶...

睇完老友這篇可能對我來說out out哋的blog（好像是去年12月post出嚟)，有點擔心！擔心她現在的情況有冇好惡化(或好轉)，擔心自己亦會跟她一樣，在感情上遇到盲點，最擔心便是這位內向的朋友，將心事藏在心底，免得煩到其他人！

作為女人，曾經結過婚，很明白為何她會納悶，但同時又明白男人的心態，平日工作忙碌，返家後幾乎做晒所有家務，亦是另一種經營婚姻的方式，愛惜妻子的行為。

旁觀者深明夫婦二人相愛如膠似漆，只是著眼點各有不同。最怕將自己的委屈放大，遺忘對方同樣付出過努力，便傷及多年感情。

本來做朋友應該兩脇插刀，吹雞即到；然而，想到她曾經有段不快的時間，自己卻幫不上忙，更甚是毫不知情，的確有點汗顏。並非怪她隱暪自己，只是想起過去幾年，這位老友為自己做過的事......

例如久不久她便會去鋪頭探我，陪我食午飯，甚至買埋嘢食嚟，頂我去廁所，幫襯過無數次，出錢出力，心細如塵；
反倒她每次有事，自己卻什麼都幫不上，有點內咎！