台灣人生日

喜歡到迪士尼世界的台灣人，像老頑童一樣，經常口不擇言。

不太願但又要去夜晚出席他的生日飯局，有兩位幾乎完全不認識的舊同事在場，其中一位女孩子在席間，不斷被台灣人「隊」酒，氹佢講拍拖事件，弄得全場鬧哄哄，大家估她酒量淺，席間不斷進出洗手間；BUT原來這位女孩子失戀不久，後來離座向HELEN哭訴，被另一位同事見到通報，我即時細細力拍枱，用嚴厲的眼神責怪台灣人，全場又大笑一場！

唉！對住這班大細路，令我哭笑不得！

同場加映，我跟阿O出街煲煙，阿O道出離職原委，之後返回座位，Benson問我是否smoker，我承認之後，台灣人以及一眾同事以不能置信的眼神和口吻，大肆吹噓我吸煙的樣子和狀態，好似前世未見過有人吸煙一樣，痴線！最攪笑便是台灣人，用相同語氣問了我三次：你真係食煙架？我淨係答了他最開頭一次，因為要應付其他人接二連三的問題。

Benson專登為Carmen出完外景，趕去飯局，伊人似乎未為所動，梗係喇！男既唔講，女既點知！男方經常當眾以女方作笑抦，可能藉此吸引對方著意，但應該會有反效果。唔知這對冤家何時會開花結果？