美國小魔頭讚我

早兩日，美國人向台灣人提起Roger曾經走去ｄ番梘巫公仔同名牌手袋擹檔拍咗兩條片返嚟，好彩俾我發現咗，如果兩條片出咗街都唔知點算！台灣人聽完之後冇反應。

我明白台灣人係想我同Roger講呢類既問題，但係我真係幾怕同Roger傾偈，係咪真係有需要到我出面講呢？話晒Roger係我前輩，我仲係做細喎，好似於禮不合咁！呢啲嘢Roger係咪應該自己check清楚先至俾我哋呢？

頭先台灣人SMS聽日既新聞俾我，其中一條已經喺上星期chit-chat過，佢就話佢今日先至睇到，我答佢XXX走在最前嘛，我哋個節目都係一樣囉！仲建議另外兩條新聞，聽日再同佢update！

呢條友最近好似捉到路同我玩咁，成日走埋嚟喺我耳邊大叫我個名，嚇到我彈起，佢就好似好開心咁，連我都忍唔住話佢好煩！佢就好似樂此不疲，如此老細真係無佢符！